БЕОҐРАД – Комисия за борбу процив наркоманиї у школох, котра будзе робиц на дзвиганю свидомосци о чкодлївосци наркотикох, отримала вчера першу схадзку, а предсидатель Комисиї Златибор Лончар наявел же будзе направена програма з котру буду упознати шицки школи у Сербиї, же би ше дзецом представело чкодлївосц наркотикох.
Члени комисиї даєдни министри зоз Влади, психолоґове, психиятри, тужителє, полицає – шицки котри маю искуства у борби процив наркоманиї.
Лончар визначел же єден з главних мотивох прецо млади хасную дроґу то любопитлївосц, нєдостаток активносцох и прицисок дружтва. Вон додал же Комисия будзе мац схадзку раз тижньово, як и же будзе направени кратки филм о чкодлївосци наркотикох.
Лончар тиж визначел же у остатнїх шейсцох мешацох на лїстину забранєних субстанцийох положени 20 нови и здогаднул же ше синтетични дроґи правя у импровизованих лабораторийох и пиньвицох.