НОВИ САД – Квалификацийни змаганя єденастого циклусу квизу штреднїх школох „Кельо ше познаме”, хтори орґанизує Покраїнска влада з назву „Афирмованє мултикултурализму и толеранциї у Войводини – мири за моцнєнє медзисобного довирия при младих”, починаю нєшка, 18. априла.
Ношитель проєкту Покраїнски секретарият за образованє, предписаня, управу и национални меншини-национални заєднїци, а витворює ше го у сотруднїцтве з численима орґанизациями и установами з Войводини.
Як сообщене зоз спомнутого секретарияту, у тогорчним квизу участвую 44 штреднї школи з цалей Войводини, а новосц же школяром питаня буду поставяни и на їх мацеринским язику, як годни и одвитовац.
Перши квалификацийни змаганя нєшка и ютре буду отримани у Суботици, а на поютре, 20. априла у Ковачици.
Од 21. по 25. април квалификацийни змаганя штредньошколцох у квизу „Кельо ше познаме” буду у Сримскей Митровици, Зомборе и Вербаше.