НОВИ САД – Драмски студио Руского културного центру (РКЦ) нєшка будзе мац премиєру „Бабушки”, драмского дїла за хторе текст, режию и сценоґрафию подписує Звонимир Павлович.
У представи участвую Славко Бучко, Марина Хома, Яким Грубеня, Владимир Гаргаї, Дюра Латяк, Йован Живкович, Ребека Планчак, Ася Папуґа, Борис Фейди, Александра Живкович Бучко и Любица Фечо, а проєкт финансийно помогли Покраїнски секретарият за културу и Национални совит Руснацох.
Премиєра „Бабушки” почнє на 20 годзин, а уходнїца кошта 200 динари. На тогорочним Драмским мемориялє Петра Ризнича Дядї наступи шлїдуюцого пиятку, 23. марца.