НОВИ САД – У Новим Саду нєшка почина осма „NS bike” сезона, сообщело ЯКП „Паркинґ сервис”, цо значи же мож поєднац бициґлу и хасновац ю у городским транспорту.
Заинтересовани за таку файту превозу по городу годни хасновац бициґли на 13 бициґлистичних станїцох: Штранд, СПЕНС, Гайзибанска станїца, Сербски народни театер, Кампус Универзитета, Детелинара (Руменацка улїца, при АБЦ центру), Нове населєнє (Булевар Йована Дучича), Лиман 3 (Дом здравя), Лиман 3 (НИС), Петроварадин (Прерадовичова улїца, при пошти), Беоґрадски кей, Детелинара 2 (угел улїцох Корнелия Станковича и Миленка Ґрчича), Футожска улїца (прейґ драги касарнї „Др Арчибалд Райс”), а у цеку анализа локацийох за вибудов ище єдней, штернастей станїци.
Шицки станїци автоматизовани, цо значи же хасновац бициґли мож 24 годзини дньово.
Нови хаснователє ше можу реґистровац на каси Подприємства у Улїци Филипа Вишнїча 46 (од пондзелку по соботу), як и на „NS bike” станїци при СПЕНС-у (од вовторку по соботу), од 8 до 16 годзин.
Реґистрация подрозумює виробок чипованей карточки котра кошта 600 динари, а хаснованє бициґли виноши 30 динари за годзину, односно 170 динари за цали дзень.
Од тей сезони запровадзує ше и сезонска предплата – за 1 100 динари мож хасновац бициґлу кажди дзень два годзини.
Вецей информациї о роботи „NS bike” системи мож найсц на интернет адреси ЯКП „Паркинґ сервис”: www.nsbike.rs.