Отримана роботня Центру „Нїтка” о страху

автор маф
673 Опатрене

РУСКИ КЕРЕСТУР – У просторийох парохийного Каритасу отримана роботня з меном „Попать страху до оч”, треца по шоре у циклусу штирох роботньох наменєних младим од 16 по 26 роки, у орґанизациї Центру за слуханє „Нїтка”.

Роботню отворела дипл. психолоґ Соня Виславски координаторка „Нїтки” и авторка роботньох, а тоту о страху реализовала волонтерка Центру Оленка Живкович з Руского Керестура.

На роботнї було бешеди о страху – емоциї хтора провадзи чловека, з акцентом на страхи хтори характеристични за младих. На тот завод пре обєктивни причини число учашнїкох було менше як на прешлих двох роботньох у Керестуре и Коцуре.

Як виявела коодинаторка Виславскова, остатня роботня, хтору реализую сами млади учашнїки, будзе на тему хтору вони предложа, а будзе отримана у Керестуре 17. марца.

njitka

ПОВЯЗАНИ ТЕКСТИ