РУСКИ КЕРЕСТУР/ЧЕЛАРЕВО – Вчера, 1. авґуста, на поволанку фаховцох з „Аґриматка”, котри вжиме отримую презентациї и фахово преподаваня у Руским Керестуре, члени Здуженя папиґарох „Капсикум анум” були госци на „Дньох польох – бостану” у Челареве, котри орґанизує мултинационалне подприємство за дистрибуцию польоривредного репроматериялу „Аґриматко”.
Спомнуте подприємство, на поверхносци 4 гектари отвореней продукциї и 20 ари у завартим просторе у Челареве, ма оглядне польо отвореного типу, котре мож нащивиц през цали веґетацийни период. Три раз до рока орґанизую „Днї польох”, концом юния ше презентує продукти зоз завартого простору – паприґа, парадичи и огурки, початком авґуста – ґереґи и динї, а у октобру – капуста, карфиол и броколи.
Представени продукти гибридних нашеньох з нашеньских хижох котри „Аґриматко” заступа, фаховци були отворени за розгварки и совитованє о рошлїнскей защити вообще, та могло достац и совит за паприґу.