КУЛА – Општина Кула розписала Явну поволанку реґистрованим польопривреднїком з териториї кулскей општини котри заинтересовани за бранє краткорочних кредитох у дїловних банкох, на 12 мешаци, же би ше явели за субвенционованє камати на кредит з буджету Општини Кула, лєбо надополнєня од 100 одсто на уж одобрени краткорочни кредити.
За субвенционованє кредитох за польопривреду, лєбо надополнєньох, Општина Кула у тим року обезпечела 5 милиони динари, а термин за придаванє приявох, з потребну документацию до трошеня тих средствох, а найпознєйше по 31. децембер 2017. року. Прияви треба придавац на писарнїцу у Услужним центре Општини (Ленїнова 11).
Дополнююци информациї мож достац на тел. 025/751-187 (Ґоран Круплянин), а явна поволанка, з потребну документацию обявена на сайту Општини Кула – www.kula.rs.