НОВИ САД – Предсидатель Покраїнскей влади Иґор Мирович, вчера 17. мая, присуствовал на подписованю контрактох з представителями шицких 45 локалних самоуправох у Войводини хтори на конкурсу достали средства за реґресованє драгових трошкох школяром штреднїх школох. За тоту намену з покраїнского буджету видвоєни 183 милиони динари.
На конкурс Покраїнского секретарияту за образованє ше приявели шицки локални самоуправи и шицки достали и средства. У школским 2016/17. року школярох- путнїкох у Войводини єст прейґ 21 000, цо вецей як трецина шицких штредньошколцох у Войводини.
З тей нагоди предсидатель Мирович гварел же опредзельованє тих средствох лєм єдна з вецей активносцох хтори Покраїнска влада и ресорни секретарият за кратки час превжали у обласци образованя.
Подпредсидатель Покраїнскей влади и покраїнски секретар за образованє, предписаня, управу и национални меншини-национални заєднїци Михаль Нїлаш на вчерайшим подписованю контрактох, медзи иншим, бешедовал и о значносци конкурсох за реґресованє драгових трошкох школяром, та о условийох и критерийох за додзельованє тих буджетних средствох.
Попри числа школярох-путнїкох, критериї и релация путованя, ступень розвою општини, як и можлївосц финансованя превозу з локалних буджетох.