РУСКИ КЕРЕСТУР – Роботнїки ЯКП „Руском” вчера почали дводньове розчисцованє двора у Старей рускей хижи, а нєшка помогню и волонтере з Медзинародного волонтерского кампу и млади з орґанизациї „Пакт Рутенорум”.
Двор ше розчисцує двора пред початком адаптованя Старей рускей хижи на Вельким шоре, хтора збудована у другей половки XVIII сторочя, а хтора од того року власносц Националного совиту Руснацох, чия служба и координовала пририхтуюци роботи.
Як дознаваме у Совиту, адаптованє найстаршей рускей хижи, як ю Керестурци волаю, почнє шлїдуюцого тижня под надпатрунком Покраїнского заводу за защиту памятнїкох на чолє з др Миряну Дєкич хтори за тото и обезпечел 3,8 милиони динари зоз Министерства култури и явного информованя.
