РУСКИ КЕРЕСТУР – Того тижня окончене розчисцованє дзивей депониї на Теметовскей долїни, а на основи достатого проєкту з хторим до локалней самоуправи конкуровало керестурске Здруженє спортских рибарох „Коляк”. На єшень тота поверхносц, векша од єдного гектара будзе ожелєнєта. За проєкт достати 450 000 динари.
План роботох же би ше тераз роздриляло навожене шмеце хторе нєсовисни гражданє там нєдопущено одруцали уж даскельо роки, а розчисцованє окончує подприємство Еделински д. о. о. з Керестура. Потим ше навожи чиста глїна, а на єшень тот простор будзе ожелєнєти.
Як наглашел инициятор проєкту предсидатель ЗСР „Коляк” Михайло Пашо, же би ше зопарло навоженє шмеца, два уходи до долїни буду часточно заварти, так же би лєм авта могли войсц опрез теметова.
