НОВИ САД – У 2016. року витворени вивоз польопривредних и поживових продуктох за 3,2 милиярди долари, цо за 11,9 одсто вецей як у 2015. року, медзитим, можлївосци и потенцияли далєко векши, оценєл аґрарни аналитичар Воїслав Станкович у своєй анализи вонкашнєй тарґовини, хтору преноши Бета.
– То найвекши вивоз польопривреди и поживовей индустриї и економскей индустриї Сербиї. У чаше кед була часц Югославиї, Сербиї вивожела польопривредни продукти за милиярду долади, а и 90. рокох вивоз бул меншей вредносци як влонї – наведол Станкович и визначел же би Сербия могла вивожиц аґрарни продукти вредносци дзешец милиярди долари.
Учасц польопривреди у прешлорочним вивозу була 21,6 одсто, а найзначнєйши продукти були кукурица, хтора вивежена за 346 милиони динари, циґаретли за 277 милиони, малини за 248 милиони, жито за 134 милиони, а яблука за 127 милиони динари.