РУСКИ КЕРЕСТУР – Спортске дружтво (СД) „Русин” позавчером вечар з роботну акцию пририхтало терен у Старей школи пред початком Ноцного турниру у малим фодбалє, хтори традицийно орґанизує СД, а того року почина на нєдзелю 2. юлия. Екипи за участвованє мож приявиц по 1. юлий.
На роботней акциї участвовали члени Фодбалского и Рукоментого клубу „Русину”, на чолє з предсидательом Дружтва Драґаном Ковачевичом и членом Управного одбору СД Янком Пастернаком. У роботи помагали и троме майстрове – Дюра Будински, Янко Ковач и Яким Папуґа.
Як за „Рутенпрес” гварел Пастернак, пооправяня ограда, заменєни стативи на єдним ґолу, ушорени терен, будзе пременєни и дрот за ґолом, же би шицко було порихтане за початок Турниру на нєдзелю.