НОВИ САД – Нова кнїжка Михала Рамача „Дунайска рапсодия” новосадскей публики будзе представена нєшка у рамикох Новосадского литературного фестивалу „Розгварки о любови (по читаню)” на 20 годзин, на Ладї „Цепелин”.
О кнїжки буду бешедовац Светислав Басара, писатель, Алексей Кишюгас, социолоґ, видаватель кнїжки Душан Маринкович, як домашнї Фестивала Дьордье Рандель и сам автор.
У музичней часци промоциї наступя Оксана Марянац и Олеся Балач на гушльох и Александра Лазин на виолончелу, и солистка Ана Римар Симунович.
Кнїжку „Дунайска рапсодия” видал „Медитеран паблишинґ” з Нового Саду. Уход на промоцию шлєбодни.