Роботнї за младих у Каритасу

автор мар
874 Опатрене

РУСКИ КЕРЕСТУР – У просторийох Каритасу у Руским Керестуре будзе отримани циклус од штирох интерактивних роботньох за младих у орґанизациї Центру за слуханє „Нїтка”.

Перша роботня з тему „Нє шицко таке чарне, роздумай ище раз” будзе 20. януара од 19 годзин, а водзиц ю будзе дипломовани психолоґ Соня Виславски и волонтерка Центру „Нїтка”. На роботню обовязна приява на емаил адресу vislavski.sonja@gmail.com, найпознєйше по 19. януар до 18 годзин.

За идуци три роботнї термини буду утвердзени познєйше, тиж будзе потребно ше приявиц, а отримаю их други волонтере Центру „Нїтка”. Поволани шицки млади од 16 до 26 рокох, а орґанизаторе обчекую приход младих и з других местох.

ПОВЯЗАНИ ТЕКСТИ