РУСКИ КЕРЕСТУР – Рукометаше рускокерестурского „Русину” першенствену сезону 2016/17. у Трецей рукометней лиґи Сербиї-Бачка закончели з побиду, понеже всоботу, 3. юния, у остатнїм, 18. колє, на госцованю у Ґакове победзели домашнї „Гранїчар” з 22:20.
Найвироятнєйши ґолґетер лиґи Гербут и „Русинов” ґолман Милинкович найзаслужнєйши за тоту побиду, а на тим змаганю найвецей ґоли за „Русин” дали Гербут 10, Любоя 5, а Папуґа штири.
Понеже маю буц одбавени заостати змаганя, за тераз ище нє познате же на хторим месце „Русин” закончел сезону. У спомнутей лиґи ше змагаю 9 екипи и од шестого по осме место розлика медзи екипами лєм єден бод.