РУСКИ КЕРЕСТУР – Рукометаше „Русину” з Руского Керестура стреду, 26. априла, у у 13. колє змаганьох у Трецей рукометней лиґи Сербиї госцовали у Суботици, дзе од домашнього РК „Спартак Войпут 2” страцели з 29:24, алє „Русин” на тим госцованю нє бул у компетним составе.
Найвецей ґоли за „Русин” у Суботици посцигнул Гербут – 9, Мудри и Шукара дали по 4 ґоли, Слива 3, Боянович 2, а Тома и Николич по єден.
Змаганє 12. кола у Бездану 22. априла було одложене пре тедишню подлу хвилю, а шлїдуюце змаганє рукометаше „Русину” бавя на своїм терену на нєдзелю, 7. мая, процив ОРК „Кляїчево” з истоменого места.
У Лиґи младиших катеґорийох до 14 роки-ґрупа А, млади рукометаше „Русину” одбавели два змаганя у Приґревици. Од парнякох з Бездану, з РК „Ґрафичар”, страцели з 23:10, а понеже у екипи зоз Србобрану бавели и старши хлапци, службени резултат змаганя бул 10:0 за Керестурцох.
На тих змаганьох ше визначели ґолман Новта, як и бавяче Тони Пашо, котри дал 7 ґоли и Давид Надь, котри дал и 1 ґол. Шлїдуюци турнир за младши катеґориї рукометашох будзе у Керестуре 13. мая.