НОВИ САД – У полней церкви св. апостолох Петра и Павла вчера Миколай подзелєл пакецики дзецом на пополадньовей Служби Божей хтору служел парох о. Юлиян Рац.
– Пакецики здогадованє за святого хтори давал тим цо су у потреби, а так и ми треба же бизме робели – гварел парох о. Рац.
Дзеци, хторих пририхтала вироучителька Мелания Римар, рецитовали святительови и модлєли ше, а Миколай их поучовал же би були добри и же би славели Бога.
На концу, парох поволал присутних же би приявели хорих и нємоцних за крачунску споведз. Ґу тому, на Перши дзень Крачуна дзеци достаню пакецики од даровательох з Нємецкей, та парох о. Юлиян препоручел помодлїц ше за того хто даровал крачунски пакецик.