ЧЕРВИНКА – Пре вельки горучави, тогорочна кампаня преробку цукровей цвикли почнє уж концом авґуста лєбо початком септембра, а урожай будзе за коло 20 одсто менши од просеку. Гоч високи температури зменшаю урожай квантитативно, мож обчековац векши квалитет, цо резултат вельо слунковитих дньох.
Як визначел директор сировинского сектору червинскей цукровнї Милан Мартич, обчековани урожай би мал буц коло 50 тони цукровей цвикли по гектаре.
– Сировинске подручє греческей цукровей индустриї у Сербиї ше пресцера на коло 23 500 гектари, а сладки корень будзе преробени у фабрикох у Червинки и Жаблю. З оглядом же звекшани капацитет преробку у Червинки, тогорочна кампаня би мала буц закончена за 90 днї – гварел Мартич.