Три тисячи школски торби за першокласнїкох

автор ртв/ядю
941 Опатрене

НОВИ САД – У Покраїнскей влади вчера, 11. октобра,  представнїком 30 општинох у АП Войводини придати дарунок – ваучери за 3 000 школски торби за першокласнїкох, у вредносци прейґ 10 милиони динари.

Подпредсидатель Покраїнскей влади и секретар за образованє, предписаня, управу и национални меншини–национални заєднїци Михаль Нїлаш гварел же то предлуженє образовней политики покраїнскей администрациї же би менєй розвити општини, котри припадаю до III и IV катеґориї розвитосци, були у фокусу, як и же би ше уключели цо вецей општини у котрих ше образованє одвива на язикох националних меншинох.

Госцох привитал и домашнї сходу – покраїнски секретар за високе образованє и науково-виглєдовацку дїялносц проф. Др Зоран Милошевич и визначел же тота акция представя резултат тимскей роботи компетентних секретариятох, руководзаци ше з принципом праведносци.

Вериме же зме наисце и витворели циль, бо зме почали од найнєрозвитших општинох штвартей катеґориї, як и од општинох у хторих характеристични мултиетнїчни состав – гварел Милошевич. Вон надпомнул и же Покраїнска влада видвоєла средства за обнову школох у Войводини.

ПОВЯЗАНИ ТЕКСТИ