БЕОҐРАД – Пензионере котри доставаю пензиї з иножемства звичайно раз до рока до иножемних фондох муша посилац Потвердзеня о живоце же би ше им предлужело виплацованє пензиї. Од 1. марца Потвердзеня о живоце мож овериц лєм у новтаруша, та и його услуга виходу на терен ґу особом котри нєрухоми вецей нє безплатна.
Потвердзенє и виход на терен вєдно коштаю 3 240 динари, дзе саме потвердзенє кошта 540 дин., а за виход на терен новтаруш наплацує 2 700 динари, пише „Дневник”.
Овера подписох у новтаруша кошта 360 динари, з чого 60 динари ПДВ, а 300 идзе новторушови и держави. Тиж так, кед за витворйованє права на цудзе допатранє и придаванє вимоги за инвалиднїну потребне послац и оверени документи, овери вецей нє буду безплатни, алє их у новтаруша треба плациц.
Пензионером котрим место пребуваня Сербия, а котри єдну часц стажу витворели у иножемстве, а другу у Сербиї, Фонд за пензийне и инвалидске ориґуранє Сербиї безплатно видава Потвердзеня о живоце и посила по електронскей пошти.