ВЕРБАС – Совит за безпечносц у транспорту Општини Вербас, у сотруднїцтве зоз Аґенцию за безпечносц у транспорту Републики Сербиї, тих дньох орґанизовал едукацию за школярох Стреднєй фаховей школи „4. юлий” о даваню першей помоци покалїченим у транспортних нєщесцох.
Як сообщене после едукациї, то єдна зоз сериї акцийох хтори ше у образовних установох у општини Вербас запровадзує на тему безпечносци шицких учашнїкох у транспорту, прето же би наймладши постали промотере правилного справованя и добрих реакцийох у случаю каждодньових ризичних ситуацийох у транспорту.