РУСКИ КЕРЕСТУР – У медзинародним математичним змаганю „Кенґур без гранїцох” хторе ше отримує нєшка, источашнє у вецей як 60 жемох швета буду участвовац и штредньошколци рускокерестурскей Школи „Петро Кузмяк”.
Як за Рутенпрес виявела професорка Леона Сабо, координаторка того змаганя у керестурскей Школи, того року ше приявели 29-еро школяре, з найвекшей часци ґимназиялци, гоч у нїм можу участвовац и школяре основней школи. Керестурски основношколци прешлого тижня участвовали у змаганю „Мислиша” хторе на державним уровню.
Змаганє „Кенґур без гранїцох” у нашей жеми орґанизує Дружтво математичарох Сербиї, а його циль популаризовац математику, и звекшац интересованє за математику и природни науки як и ступень лоґичного и комбинаторного думаня, розуменя текстох и применьованє здобутого математичного знаня.
Резултати змаганя буду познати у периодзе од мешаца, а награди ше освоюю аж на финалним ступню.