ВЕРБАС – Вочи швета св. оца Миколая, внєдзелю у старовербаскей парохиї Покрова Пресвятей Богородици, после велькей Служби Божей, була орґанизована пригодна дзецинска програма.
Програму виведли виронаучни дзеци и дзеци хтори ходза на руски язик зоз Основних школох „Светозар Милетич” и „20. октобер”, од першей по осму класу, а пририхтала их учителька Славица Мали. У музичних точкох програми на гармоники грал Любо Скубан.
Парох о. Алексий Гудак з тей нагоди подзековал учительки Славици Мали, а подзелєни 66 пакецики.
