РУСКИ КЕРЕСТУР – И попри тим же на госцованє пошол ослабени, лєм з пейцома бавячами, Шаховски клуб „Русин” з Руского Керестура вчера у Алекси Шантичу победзел истомену домашню екипу з 2,5:3,5.
Партиї за „Русин” достали Мирко Афич, Евгений Медєши мл. и Михал Джуджар, ремизировал Рафаил Русковски, а страцел Иван Пап.
После трох одбавених колох у Медзиопштинскей лиги Зомбор „Русин” на штвартим месце медзи осем екипами, з истим числом бодох як и трецепласована екипа з Бачкого Брегу.
У шлїдуюцим, остатнїм колє у тей полусезони, „Русин” на нєдзелю, 4. юния, у Керестуре дочекує екипу „Сивец” зоз Сивцу.