РУСКИ КЕРЕСТУР – Основна и штредня школа з домом школярох „Петро Кузмяк” вчера уплацела 33 700 динари як помоц за лїченє на рахунок Наташи Ґайдош з Коцура, хтора нєдавно настрадала у транспортней нєзґоди.
Як за „Рутенпрес” виявела педаґоґ Мария Шанта, Школа подаровала пенєж хтори школяре и заняти назберали на Новoрочним вашаре цо орґанизовани концом прешлого року и чий ше приход дарує за актуални гуманитарни потреби.
По одлуки Школярского парламенту, тогорочна помоц уплацена Ґайдошовей же би и Школа дала доприношенє у акциї хтора за тоту особу порушана нє лєм у Коцуре, алє и ширше.