РУСКИ КЕРЕСТУР – Рускокерестурску Школу „Петро Кузмяк” вчера нащивели особи зоз Здруженя МНРО „Белава птица” з Кули зоз психолоґом Ирину Шанта и стажистку Клаудию Надь, а привитала их педаґоґиня домашнєй Школи Любица Няради.
Госци зоз „Белавей птици” и домашнї школяре з руских оддзелєньох другей и трецей класи Ґимназиї, вєдно отримали едукативну роботню з тему „Прилапйованє розликох и толеранция”. На роботнї ше госци и домашнї школяре особнє представяли и упознали, домашня дзивоцка ґрупа у провадзеню Марини Роман на ґитари и Марка Буили на гушлї им одшппивали и одграли даскельо шпиванки, а на концу шицки вєдно одшпивали шпиванку „Хто щешлїви”.
Нащива и роботня з особами з „Белавей птици” витворена у рамикох воспитней роботи Школи и єй сотруднїцтва з другима институциями.
