РУСКИ КЕРЕСТУР – Упис до першей класи Основней школи „Петро Кузмяк” у Руским Керестуре будзе10. и 11. мая, од 9 до 13 годзин.
До школи до першей класи би ше, за тераз, мало уписац 21 дзецко котре закончує обовязну Пририхтуюцу предшколску програму у керестурскей дзецинскей заградки, оддзелєня „Цицибан” Предшколскей установи „Бамби”.
Будуци школяре першей класи, то дзеци народзени од 1. марца 2011. року по конєц фебруара 2012. року. На упис мож привесц дзецко, алє нє обовязно. Потребне кресцене писмо, прияву и потвердзенє од лїкара, а родичи у школи виполня и два упитнїки. Познєйше, по законченю школского рока, будзе потребно доставиц и потвердзенє о законченей предшколскей пририхтуюцей програми.
Педаґоґийна служба школи „Петро Кузмяк” у обєкту дзецинскей заградки по початок упису окончела тестованє дзецох о їх дозретосци и пририхтаносци за школу.