НОВИ САД – На инициятиву новосадского Универзитету, Покраїнска влада вчера акредитовала нови студентски програми мастер и докторских студийох на Филозофским, Природно-математичним (ПМФ), Факултету технїчних наукох (ФТН) и на Академиї уметносцох.
На Филозофским акредитована нова програма мастер студийох „Лидерство у образованю”, на ФТН „Инжинєрство иновацийох”, а на Академиї нова програма будзе „Применєни театер”. За докторски студиї акредитована програма на ПМФ – „Докторска школа математики” за виводзенє на сербским и анґлийским язику, хтору ше будзе витворйовац у сотруднїцтве з природно-математичнима факултетами з Нишу, Краґуєвцу и Нового Пазару.
Число студентох мастер и докторских студийох котри ше школую о трошку Покраїни нє пременєне, та их и того академского 2016/2017. року будзе вєдно 2 918.