Аранка Медєши нова предсидателька Етно-клубу

автор тах
1k Опатрене

КОЦУР – Вчера вечар у Коцуре отримана рочна Скупштина Етно-клубу „Одняте од забуца”, хтора була и виберанкова, понеже место дотерашнього предсидателя Клубу Дюру Макая, на тоту функцию вибрана Аранка Медєши.

6-Etno-02

На вчерайшей Скупштини вибране и нове Предсидательство и Надпатраюци одбор Етно-клубу. Предсидательство ма дзевец членох, а попри спомнутей Медєшовей, творя го Радойка Лазор, як подпредсидатель, Сенка Мученски, як секретар, та Мирослав Медєши, о. Владислав Рац, Моника Гарди, Серафина Самочета и Снежана Радошевич. До Надпатраюцого одбору вибрани Стеван Самочета, Таня Бркич и Златко Колєсар.

На Скупштини винєшени и звит о роботи Етно-клубу за 2014. рок, у хторим наведзени шицки активносци того здруженя, а тиж пречитани и финансийни звит.

О планє роботи за 2015. рок будзе бешеди найвироятнєйше по вельконоцних шветох, а вироби го Предсидательство, гварела за Рутенпрес нова предсидателька Етно-клубу Аранка Медєши.

ПОВЯЗАНИ ТЕКСТИ