СЕРБИЯ – Вчера у Сенти почал квалификацийни циклус змаганя у бешеднїцтве „Бешеди Зоранови на чесц“, а тогорочна тема цитат Зорана Дїндїча „Живот то тото цо з нього направиме. И Сербия тото цо з нєй направиме.“
„Бешеди Зоранови на чесц“ ше того року отримує дзешатираз, як здогадованє на першого демократского премиєра Сербиї и предсидателя Демократскей странки (ДС) др Зорана Дїндїча
На змаганьох фахови жири будзе оценьовац квалитет бешеди, ориґиналносц виводзеня, ясносц порученя, та реакцию публики на бешеду. Орґанизаторе змаганьох, Фондация др Зоран Дїндїч и ДС наглашую же им циль промововац вредносци модерней и европскей Сербиї хтори дефиновал Дїндїч, та оможлївиц младим людзом же би указали свойо лидерски потенцияли и унапредзели схопносци бешеднїцтва.
Попри у Сенти, змаганя буду и у Беоґрадзе, Смедеревскей Паланки, Нишу, Ужицу, Новим Садзе, Владичиним Хану, Сримскей Митровици, Лесковцу и Краґуєвцу, а найлєпши бешеднїки буду участвовац на финалним змаганю, хторе будзе 12. марца у Беоґрадзе.
Приявиц ше можу шицки заинтересовани, а правил змаганя и розпорядок квалификацийох мож видзицна сайту www.ds.org.rs/besednistvo