ОБРОВЕЦ – У 11. колу Подручней фодбалскей лиґи Зомбор, хторе одбавене внєдзелю 23. октобра, фодбалере Русина славели у Обровцу дзе ше стретли зоз домашнїм Борцом 46 зоз резултатом 3:1 (3:1).
Ґоли на тим змаганю дали Матей Саянкович (2) и Филип Вуйович.
Специфичносц змаганя же шицки ґоли посцигнути у першим полчасу. Домашнї почали водзиц уж у 8. минути, но то було и шицко цо ше дотика домашнїх бавячох. Ґол за виєдначованє резултата посцигнул Саянкович зоз, за ньго, специфичней ситуациї, кед сцекол свойому чуварови и матирал домашнього ґолмана.
У 23. минути, зоз пенала, ґол за Русин дава Филип Вуйович, док при концу першого полчасу Саянкович ище раз треше процивнїцку мрежу, зоз чим поставени и конєчни резултат.
На нєдзелю, 30. октобра, до Керестура приходзи Борец зоз Бачкого Ґрачцу и будзе то прави сушедни дерби.