ЖАБЕЛЬ – Општина Жабель розписала Явни конкурс за финансованє або софинансованє програмох/проєктох у култури и уметносци у 2020. року.
Општина Жабель принєсла ришенє же по програмох/проєктох будзе финансована або софинансована набавка народного облєчива, обуї, инструментох и другей потребней опреми за здруженя на териториї општини Жабель.
Право на хаснованє буджетских средствох маю субєкти у култури котрим шедзиско на териториї општини Жабель, котри реґистровани за окончованє роботох у обласци култури, як и церкви и вирски заєднїци котри исную на териториї општини под условийом же су ношитель реализациї проєкта у обласци култури.
Шицки додатни информациї и условия конкурсу може пренайсц на урядовим сайту Општини Жабель www.zabalj.rs, а на истим месце мож превжац конкурсну документацию.
Документацию мож послац по 16. октобер до 15 годзин, на адресу Општини, Николи Тесли 45.