ВЕРБАС – Вчера у просторийох КПД „Карпати” у Вербаше отримани традицийни Торба бал, на хторим ше дружели Вербащанє, алє и госци з Кули и Коцура. Друженє провадзели музичаре з Кули.
Як визначел предсидатель КПД „Карпати” др Деян Загорянски, нови рок традицийно почина весело, у тим случаю з Торба балом, а Бал датумски вязани за дочек Нового року по юлиянским календаре.
Загорянски з тей нагоди здогаднул же з тим почина и сезона манифестацийох у Дружтве, а идуца уж на соботу, 16. януара, кеди будзе отримани треци турнир у столним-тенису „Карпати опен 2016”, а у рамикох означованя Националного швета Руснацох.