РУСКИ КЕРЕСТУР – За шлїдуюци школски 2021/22. рок, до керестурского оддзелєня Школи за основне музичне образованє (ШОМО) з Кули, прешлей соботи 5. юния уписали ше 12 нови школяре до пририхтуюцого оддзелєня и пецеро до першей класи.
Вони пред тим прешли и приємни испит, а першокласнїки ше опредзелєли учиц ше грац – тройо на гармоники, и по єдно на клавире и на тамбурки.
На пияток, 11. юния, школяре керестурского оддзелєня отримаю свой Концерт з нагоди законченя школского року, а Концерт на 19 годзин будзе отримани у Велькей сали Дома култури.