РУСКИ КЕРЕСТУР – На пондзелок, 9. мая, на дзень преславйованя Кирбаю, вашарска часц будзе на старей локациї, дзе ше ю отримовало скорей пандемиї, у Русинскей улїци, од Фрушкогорскей по улїчку Орос Ґабра, а улїца будзе заварта за транспорт од 9 по 19 годзин.
За орґанизованє преслави будзе анґажоване професийне обезпеченє и патрола полицийней полициї, а Явне комуналне подприємство „Руском”, за тоту нагоду ушорело желєни поверхносци у часци дзе ше будзе отримовац вашар.
За преславу у вечарших годзинох Месна заєднїца Руски Керестур анґажовала и познати новосадски бенд „Трибал бенд” хтори свой наступ отрима у дискотеки „Амадеус”, а уход будзе шлєбодни.
Орґанизацию преслави помогла Општина Кула.