Професорка Ирина Олеяр з Руского Керестура цали свой роботни вик препровадзела у Школи за основне музичне образованє (ШОМО) зоз Кули, оддзелєню у Керестуре. Уж є рок у пензиї, но за шицки тоти роки док робела, давала вельке доприношенє нашей, рускей, музичней култури.
При дзецох розвивала точну интонацию, дикцию и музикалносц, та мож повесц же их на тот способ добре пририхтовала за наступи на ,,Пупчу”, и „Ружи”. З таку роботу збогацела кажди наш фестивал.
Велї з Керестура закончели основну, и штредню музичну школу, та и музични академиї дзекуюци и професорки Олеяровей. Постали музични фаховци у рижних сферох, и нєшка робя по школох, або су активни аматере у оркестру Дома култури як соло, хорски шпиваче, граю у окестру, лєбо компоную.
Як випатрала музична драга професорки Олеяровей од дзивчеца з гармонику по нєшкайши днї, и прецо єй анґажман у музики будзе длуго запаметани, дознаце у найновшим чишлє наших новинкох.
