ВЕРБАС – ЯКП „Комуналєц” з Вербасу преширело свою дїялносц и основало нове оддзелєнє за помоц гражданом у обласци, урбанизму, архитектури и будовательства.
У Оддзелєню робя фахово и искусни лиценцовани инжинєре зоз спомнутих обласцох, а понука вирабянє планскей и технїчней документациї, урбанистични плани, проєкти нєобходни за доставанє локацийних и будовательних дозволох и подобне, гварела руководителька Оддзелєня Смиляна Томашевич.
Вона додала же єй тим обезпечує и услуги консалтинґу, односно толмаченя важацих планских документох, законох и подзаконских актох, а консултациї и фахово думаня шицки заинтересовани достаню безплатно.