РУСКИ КЕРЕСТУР – Младежски бал, пияти по шоре, отримани всоботу, 31. януара у Ресторанє „Червена ружа” у Руским Керестуре, а на нїм були коло 160 млади з Коцура, Дюрдьова, Лалитю, Нового Саду, Крущичу, Суботици и Керестура.
Нащивительох забавял „Пицикато бенд”, а по пол ноци ше им на кратко придружела и ґрупа наших музичарох, хтори були и наявйоване музичне нєсподзиванє.
Попри музики, веселей атмосфери допринєсли и бависка, як и богата томбола.
Перша награда на томболи бул лаптоп, хтору достал госц з Дюрдьова, друга награда, таблет, пошла до Лалитю, док треца награда – ґарнитура за шедзенє вонка, остала у Керестуре.
