Виасфалтована перша улїца на Блоку 3

автор зам
921 Опатрене

РУСКИ КЕРЕСТУР – У Блоку 3 на такволаним Новим населєню у Руским Керестуре, вчера з нови масфалтом прелята перша улїца, як и часц приходней драги до улїци. Як за Рутенпрес гварел секретар Месней заєднїци Михайло Сабадош, то перша часц роботох, понеже концом того, лєбо початком идуцог мешаца, будзе виасфалтована и шлїдуюца улїца, а мала би буц пооправяна и крижна драга хтора водзи до улїцох на Блоку 3.

Вредносц цалосних роботох, хтори ше окончує прейґ кулского ЯП „Завод за вибудов”, 2 милиони 840 000 динари, дзе МЗ зоз самодоприносу участвує з милион 990 000, а Завод, односно Општина Кула з 850 000 динари.

Коло 350 метери драги вчера преляти з коло 120 тони асфалту, а асфалтованє окончело подприємство „Бачкадраги” зоз Суботици.

 9-Asfalt-02

ПОВЯЗАНИ ТЕКСТИ