БЕОҐРАД – Виберанки за Национални совити националних меншинох були политизовани и здогадовали на векшински виберанки у Сербиї, оценєне вчера на округлим столє у беоґрадским Медия центре, на хторим представена и студия о виберанкох за совити националих меншинох з назву „За жвератком – о националних совитох националниох меншинох, виберанкох 2014. и ище койчим”.
Рецензент студиї Йово Бакич гварел же ше на виберанкох за национални совити меншинох, хтори отримани 26. октобра 2014. року, найменєй бешедовало о защити меншинох, язика и култури, и же „шицко у тим дружтве политизоване”.
Коаовтор студиї Андрей Кубиц гварел же подїї вязани за виберанки за совити националних меншинох здогадую на векшински виберанки и додал же интереси партийох у тих виберанкох були вецейнїсти.
Коавтор студиї Владимир Илич гварел же треба мац у оглядзе же национални совити державни орґани хтори ше финансує з буджету, хтори приноша нови роботни места и ище даєдни вигодносци, и же за даєдних представяю нєпоштредну животну шансу.
Студию виробел Центер за розвой цивилного дружтва.