Вибрани ради и представителє рускей меншини у Горватскей

автор  аба
1.2k Опатрене

ГОРВАТСКА – Внєдзелю, 31. мая, у Горватскей отримани виберанки за членох радох и представительох националних меншинох на уровню єдинкох локалней и подручней (реґионалней) самоуправи, а Руснаци виберали членох радох у Вуковарско-сримскей жупаниї, Городзе Вуковар и у општинох Боґдановци и Томпоєвци, а представительох у Осиєцко-бараньскей жупаниї и Городзе Заґреб.

Державне виберанкове поверенїцтво вчера обявело урядово резултати, з хторих видно же була мала виходносц на виберанки. Найвецей Руснаци на виберанки вишли у општини Томповци (Миклошевци) – 27,47 одсто и у Осиєцко-бараньскей жупаниї – 27,03 одсто, дзе попри городу Осиєк и Пишкуревци. З вєдно 1 240 виберачох Руснацох у Вуковарско-сримскей жупаниї внєдзелю гласали 190, лєбо 15,32 одсто.

На уровню Городу Вуковар з уписаних 419 виберачох гласали 39, лєбо 9,31 одсто; у општини Боґдановци, дзе Петровци, з уписаних 369 виберачох гласали 69, односно 18,70 одсто, а у општини Томповци, дзе Миклошевци, з уписаних 233 Руснацох-виберачох гласали 64, цо 27,47 одсто.

У Осиєцко-бараньскей жупаниї з уписаних 74 виберачох гласали 20, лєбо 27,03 одсто, а у Городзе Заґреб, з уписаних 134 виберачох, на нєдзелових виберанкох гласали 32, односно 23,88 одсто.

До Ради рускей националней меншини Вуковарско-сримскей жупаниї вибрани Борис Бучко, Йоаким Ерделї, Ана Бучко, Зденко Бурчак, Томислав Рац, Даниєл Вашаш, Мийо Шайтош, Деян Лїкар, Звонко Костелник, Марияна Джуджар, Михайло Голик, Петро Киш, Звонимир Барна, Мирослав Лїкар, Звонко Еделински, Златко Гирйовати, Таня Гарди, Звонко Грубеня, Желько Еделински, Наталия Гнатко, Желько Костелник, Йоаким Вашаш, Оленка Бики и Йоаким Дудаш.

До Ради рускей националней меншини Городу Вуковар вибрани Зденко Бурчак, Лела Дїтко, Мирослав Дїтко, Звонимир Барна, Владо Русин, Наталия Барна, Владо Мудри, Мария Русин, Мирко Дорокази, Блаженка Дудаш, Ивона Гнатко, Любомир Гнатко, Мирон Гнатко, Звонкоо Гайдук  и Наталия Гнатко.

До Ради рускей националней меншини Општини Боґдановци вибрани Томислав Рац,  Даниєл Вашаш, Йоаким Вашаш, Желько Еделински, Звонко Костелник, Желько Костелник, Владимир Дудаш, Таня Гарди, Янко Сопка и Златко Гарди.

До Ради рускей националней меншини Општини Томповци вибрани Деян Лїкар, Дюра Бики, Борис Бучко, Сузана Мудри, Златко Гирйовати, Славко Ждиняк, Мирослав Лїкар, Звонко Ждиняк, Влатко Сабадош и Звонко Мудри.

За Представителя рускей националней меншини Осиєцко-бараньскей жупаниї вибрана Агнетка Балатинац, а за Представителя рускей националней меншини Городу Заґреб вибрани мр Ириней Мудри.

 

ПОВЯЗАНИ ТЕКСТИ