СЕРБИЯ – Нїзки температури и мрази коло Нового року очкодовали верхи лїсца на житу, алє то нє будзе уплївовац на продукцию жита, гварел за Танюґ професор на Польопривредним факултету у Новим Садзе Бранко Маринкович.
Вон гварел же найочкодованши гевти рошлїни хтори у розвойней фази, кед маю два до три лїсца, алє анї вони нє буду барз преридзени, прето же даскельо днї по Новим року температура углавним була коло 10 ступнї.
Професор Маринкович оценєл же терашня хвиля, односно релативно високи температури за тот период, позитивно уплївую на жито, хторе ше успишно окрипює од мразох.