Вимога парастох нє прилапена

автор ртв/бета
943 Опатрене

БЕОҐРАД – Польопривреднїки котри протестую процив вименкох Закона о польопривредней жеми ше предлужую бориц, алє одустали од протестного воженя до Беоґраду.

Предсидатель Асоцияциї польопривреднїкох Мирослав Киш гварел же бешедуюци з министерку польопривреди Снежану Боґосавлєвич Бошкович нїч нє посцигли, та и далєй вимагаю же би ше Предлог вименкох Закона о польопривредней жеми поцагло зоз скупштинскей процедури.

– Влада нє прилапела нашу вимогу же би ше поцагло Предлог вименкох Закона о польопривредней жеми – виявел Киш за РТВ и додал же им на схадзки поручене най ше за свойо становиска виборя прейґ народних посланїкох, прейґ амандманох.

Як потолковал, єдине коло чого часточно найдзени заєднїцки язик то потреба за пописом обрабяцей польопривредней жеми у Сербиї. Киш гварел же вельке число польопривреднїкох протестує и пре нєзадовольство з одношеньом власци ґу польопривреди.

ПОВЯЗАНИ ТЕКСТИ