РУСКИ КЕРЕСТУР – Нове, 10. тогорочне число Християнского часопису „Дзвони”, за октобер, вишло прешлей нєдзелї у керестурскей парохиї св. оца Миколая.
У рубрики „Духовне заренко” преглїбенє швета Христа цара, ту и напис о Покрову пресв. Богородици, а у рубрика „Стереотипи” пише о нашим грекокатолїцким идентитету прейґ школскей виронауки.
Нови „Дзвони” приноша и нови актуалносци у вселенскей Церкви, толкованє Слова живота „Же би шицки були єдно” и шведоченя вирних. Ту и єденасте предлуженє историї и сучасноци нашого Каритасу и його активносци у помоци вибеженцом з жемох Блїзкого востоку.
Октоберски „Дзвони” провадза и подїї у наших парохийох, наявюю початок роботи Каритасового Телефонского центру за слуханє „Нїтка”, понукаю интересантни змисти на бокох за младих и дзеци, як и здогадованя на упокоєних Янка Микиту и Мирона Костелника.
У додатку „Богословска думка” почина серия написох хтори буду пошвецени наявеному ювилейному – святому року у Церкви – року молосердия, док у часци „Упознай свой обряд” у часопису перша статя хтора толкує св. Тайну Миропоманазя.