НОВИ САД – З нагоди Дня Ґалериї Матици сербскей у Новим Садзе, на шветочней схадзки пияток, 23. октобра, додзелєни рочни подзекованя, а медзи добитнїками и наш познати маляр Владо Няради з Вербасу. Подзекованє му додзелєла управнїца Ґалериї мр Тияна Палковлєвич Буґарски.
Ґалерия Владу Нярадия учишлєла до свойого Клубу, понеже єй фундус збогацел з дванац своїма ґрафиками, хтори часц мапи з циклусу „Карпатски мит”. Мапа ґрафикох инспирована з мотивом медведза хтори ше находзи на руским гербу.
Ґалерия Матици сербскей у своїм фундусу ма и дзешец роботи нашого покойного скулптора Стевана Боднарова.