Войводина треци реґион по проценту нєзанятих

автор 021/сен
946 Опатрене

НОВИ САД – Войводина треци реґион у Сербиї по проценту нєзанятих, понеже 47 одсто гражданох нєактивни – нє маю роботу, нє глєдаю ю, пензионере су, лєбо студенти, указали резултати анкети хтору окончел Републични завод за статистику. Заш лєм, и так ту зазначени скоро два раз векше пороснуце активносци жительства як влонї, цо значи же вше вецей гражданє робя, лєбо голєм гледаю роботу.

Медзитим, число тих котри активно глєдаю роботу ище вше барз мале, а поражуюце же найвекши можлївосци за роботу у сезонских и дочасових роботох, углавним у обласцох тарґовини и прерабяцкей индустриї, док опадла стопа занятосци на нєодредзени час и у державних службох.

Податки указую же жени влонї дакус успишнєйше доходзели до роботи як скорей, алє ище вше предносц у доставаню роботи маю хлопи.

Статистика указала же и у Войводини и у цалей Сербиї високообразовани гражданє найчежше находза роботу, а звекшани процент анґажованя роботнїкох котри маю нїзше и штреднє образованє.

За застарносц и податок о стопи нєактивного жительства, бо ше скоро половка особох котрих Завод анкетовал вияшнєла же вообще нє глєда роботу.

ПОВЯЗАНИ ТЕКСТИ