Вчера бул Дзень просвитних роботнїкох

автор сен
791 Опатрене

НОВИ САД – У Сербиї ше 8. новембра, на Митра по юлиянским календаре, односно на дзень за хтори ше трима же ше народзел Вук Стефанович Караджич, означує Дзень просвитних роботнїкох, а у Войводини Дзень просвотних роботнїкох Сербиї будзе означени и з нєшкайшим додзельованьом Награди „Др Дьордє Натошевич“ просвитним роботнїком.

З тим припознаньом Покраїнска влада промовує винїмково резултати витворени з помоцу сучасних методох у воспитно-образовней роботи и настави у предшколским, основношколским и штредньошколскимо образованю.

Медзи лауретами Награди „Др Дьордє Натошевич“ того року и наставнїца сербского язика у Економско-тарґовацкей школи у Кули Александра Секулич.

Покраїнски секретар за образованє, предписаня, управу и национални меншини-заєднїци Михаль Нїлаш просвитним роботнїком вчера повинчовал їх дзень, а у винчованки визначел же образованє основа розвою дружтва, а улога просвитних роботнїкох значна и велька.

ПОВЯЗАНИ ТЕКСТИ