Вше вецей „жита з пойда”

автор сен     
918 Опатрене

РУСКИ КЕРЕСТУР – Того року хвиля нє идзе на хасен парастом, понеже ше кажди два днї зменюю слунко и диждж, та єшеньска шатва жита у Руским Керестуре, хтора почала початком октобра, вироятно будзе тирвац до половки новембра.

У валалє жито контрача три подприємства – „Юарбис”, „Аґрохома” и „Аґрокерестур”. Парасти ше за нашенє и штучни гної у „Юарбису” можу задлужиц у паритету и у еврох, док ше у „Аґрокерестуре” и „Аґрохому” контрачи лєм у еврох

У шицких трох подприємствох гваря же за єшеньску шатву купене менєй нашеня як влонї, та по тим оценюю же будзе и менєй поверхносци под тоту културу. Медзитим, понеже остатнї роки парасти вше частейше шею свойо нашенє, ткв. „жито з пойда”, нє мож точно повесц кельо будзе поверхосци под житом.

Цена жита нїзка, того року була 16,50 динари, та ше го баржей шеє як предкултуру. Цену ше формує спрам поглєдованя, та кед будзе пошате менєй жита, нарок будзе и драгше, оценюю фаховци.

 

ПОВЯЗАНИ ТЕКСТИ