НОВИ САД – Число хасновательох социялней помоци у Новим Садзе ше за остатнї штири роки звекшало за коло 90 одсто, а алармантни податок же медзи хаснователями єст вше вецей високообразованих людзох.
У Новим Садзе тераз социялну помоц доставаю коло 12 500 хаснователє, а у Центре за социялну роботу гваря же тото число того року годно буц звекшане.
Буджет Городу Нови Сад за социялну помоц того року исти як прешлорочни и виноши 53 778 000 динари. Понеже нє обезпечени дополнююци средства, хаснователє нє можу раховац на доставанє єднократней помоци, хтору ше прешли роки дзелєло концом рока.