Госцох зоз Свиднїку приял предсидатель Општини

автор апм
621 Опатрене

ВЕРБАС – З нагоди нєшкайшого Националного швета, делеґацию Свиднїку зоз Словацкей, хтора до Вербасу сцигла штварток, вчера у своїм кабинету приял предсидатель Општини Вербас др Братислав Кажич зоз сотруднїками.

У делеґациї городоначалнїк Свиднїку Ян Голодняк и його сотруднїки Владимир Шандала, Виєра Дерцова и Стано Фек. Попри предсидателя, у Општини их дочекали предсидателька Скупштини општини Вербас Маряна Мараш и заменїк предсидателя Општини Милан Ґлушац, а на приєму бул и предсидатель Дружтва „Карпати” др Деян Загорянски.

З тей нагоди предсидатель Општини др Братислав Кажич визначел же за кратки час делеґация з братского Свиднїку двараз нащивела Вербас, а Општина, як спонзор и домашнї манифестациї, ма нагоду дочекац своїх приятельох з Словацкей.

Городоначалнїк Свиднїку Ян Голодняк гварел же вони мали и моралну обовязку потримац своїх Руснацох у Войводини кед маю таки значни манифестациї, а сотруднїцтво з Вербасом и Дружтвом „Карпати” уж длугорочне и успишне.

Др Деян Загорянски визначел вельке чесц и задовольство же Општина, як домашнї, и „Карпати”, як орґанизатор Централней преслави, на шветочносц могли поволац приятельох и вецейрочних партнерох Дружтва зоз Свиднїку.

Загорянски вихасновал тоту нагоду, та предсидательови Општини др Кажичови придал перши прикладнїк моноґрафиї „Руснаци у Вербаше”, хтора вишла з нагоди нєшкайшого швета.

13-Verbas-02

ПОВЯЗАНИ ТЕКСТИ